ബെർളിയുടെ വെളിപാടുകൾ !

സ്പടികം സിനിമയില്‍ ജഡ്ജ് ആയി വന്ന ശങ്കരാടി മോഹൻലാലിന്റെ തോമ എന്ന കഥാപാത്രതോട് പറയുന്ന ഒരു വാചകമുണ്ട് “സകല കലാ വല്ലഭന്‍.പക്ഷെ വകതിരിവ് വട്ടപ്പൂജ്യം” ..ഇന്ന് കണ്ട ഒരു പോസ്റ്റാണ് ഇത് പറയാനുണ്ടായ കാരണം ..മലയാളത്തിൽ സ്ഥിരമായി പോസ്റ്റുകൾ എഴുതുന്ന ബെര്ളിയുടെ മുട്ടനാടുകളുടെ പരിസ്ഥിതി എന്ന പോസ്റ്റാണ് പറഞ്ഞു വരുന്നത് ...ഒരു ക്രിസ്ത്യാനി നാമധാരി ആയതുകൊണ്ടാണെന്ന് തോന്നുന്നു അച്ചന്മാരും മെത്രാന്മാരും എന്തെങ്കിലും പറഞ്ഞാല ഉടൻ തന്നെ അവരെ നന്നാക്കാൻ ചാടി ഇറങ്ങുന്നതുകാണാം(അല്ലെങ്കിൽ തന്റെ വായനക്കാർ എന്ത് വിചാരിക്കും ) ....അവസാനം മാര്പാപ്പയെ കൂട്ടുപിടിച്ച് ഏഷ്യാനെറ്റിലെ മുന്ഷിയെപ്പോലെ ആര്ക്കും മനസ്സിലാകാത്ത ഒരു കമെന്റും പറയുന്നതുകാണാം ... അദ്ദേഹത്തിന്റെ പോസ്റ്റിൽ ഒരു കമെന്റ് ഇട്ടിരുന്നു, കമെൻറ് മോഡാറെഷനും ചിട്ടവട്ടങ്ങളും ഒക്കെ കഴിഞ്ഞു എപ്പം അപ്രൂവ് ആയി വരും എന്ന് അറിയില്ലാത്തതുകൊണ്ട് വിഷയം ഒരു പോസ്റ്റ് ആയി ഇടാം എന്ന് തീരുമാനിച്ചത് .

പോസ്റ്റിലേക്ക് കടക്കാം ..ഈ കഥാപാത്രത്തിന് വകതിരിവ് വഴിയെപോലും പോയിട്ടില്ല എന്നതാണ് പോസ്റ്റിൽ നിന്നും മനസിലാകുന്നത് ...ഇന്ന് ഇടുക്കി രൂപത മെത്രാൻ അവിടുത്തെ നാനാജാതി മതസ്ഥരെ ,മതമില്ലാത്തവരെയും മതമുള്ളവരെയുമെല്ലം പൊതുവായി ബ്വാധിക്കുന്ന ഒരു വിഷയത്തിൽ ഇറക്കിയിരിക്കുന്ന ഒരു സർക്കുലറാണ് പുള്ളിയെ വിറളി പിടിപ്പിച്ചിരിക്കുന്നത് ..മെത്രാൻ, ഇടയലേഖനം എന്നാക്കോ കെട്ടാതെ പുള്ളി തൂലിക ചലിപ്പിച്ചു (അല്ലെങ്കിൽ ആരാധകർ എന്ത് വിചാരിക്കും )..പുള്ളി തൂലിക ചലിപ്പിച്ചിട്ടു വേണമല്ലോ കുടിയേറ്റ കര്ഷകരുടെ അരി വേകാൻ .....സര്കുലർ വായിക്കണ്ടവർക്ക് ഈ ലിങ്ക് ഉപയോഗിക്കാം(പേജ് 8 നോക്കുക ) (http://www.idukkidiocese.org/files/media/bulletins/20131101_7e3be6f8f7289038367253f9ceefd0dc_nadham__November_2013.pdf)... കുടിയേറ്റ കര്ഷകരുടെ പ്രശ്നങ്ങളെ കാര്യാ കാരണ സഹിതം അതിൽ അവതരിപ്പിച്ചിട്ടുണ്ട് ..പോസ്റ്റിൽ ബെർളി നടത്തുന്ന ചില വിലയിരുത്തലാണ് ആശ്ചര്യകരമായി തോന്നിയത് . അദ്ദേഹം എഴുതുന്നു ..

"കുടിയേറ്റ കൃഷിക്കാരില്‍ നല്ലൊരു ശതമാനവും പാലാ-തൊടുപുഴ-കാഞ്ഞിരപ്പള്ളി-ചങ്ങനാശ്ശേരി ബെല്‍റ്റില്‍ നിന്നുള്ള ക്രിസ്ത്യാനികളാണ് എന്നത് ഒരു യാഥാര്‍ഥ്യമാണ്. അതുകൊണ്ട് തന്നെ കേരളത്തിലുള്ള മറ്റു ക്രിസ്ത്യാനികള്‍ കസ്തൂരി രംഗന്‍ റിപ്പോര്‍ട്ടിനെ എതിര്‍ക്കണമെന്നും ക്രിസ്ത്യാനികളുടെ കയ്യിലുള്ള ഭൂമി കൈവശപ്പെടുത്തുന്നതിനു വേണ്ടി മറ്റു സമുദായക്കാര്‍ ഈ നിയമത്തിന് അനുകൂലമായി നിലപാടെടുക്കുന്നുവെന്നും ആ നിലപാടിന് സര്‍ക്കാരുദ്യോഗസ്ഥരും ജനപ്രതിനിധികളും കൂട്ടുനില്‍ക്കുമെന്നാണ് നിശബ്ദമായി പ്രചരിപ്പിക്കപ്പെടുന്ന തിയറി"

കുടിയേറ്റ ജില്ലയിൽ നിന്നുള്ളവരെ എത്ര ലാഗവതോടെയാണ് ഇയാൾ പരിഹസിക്കുന്നത് ...ക്രൈസ്തവർ മാത്രമല്ല ലക്ഷക്കണക്കിന്‌ ഹൈന്തവരും ഹൈറേഞ്ചിൽ ഉണ്ട് എന്നത് കേരളത്തിലെ കൊച്ചു കുട്ടികള്ക്ക് പോലും അറിയാവുന്ന കാര്യമാണ് ..എന്നിട്ടാണ് ഇയാളുടെ നാണം കേട്ട പരാമര്ശം .അതോ ഒരു പ്രദേശത്ത് ഭൂരിപക്ഷം ഒരു മതവിഭാഗമാണെങ്കിൽ അവര്ക്ക് അവകാശങ്ങൽ ഇല്ലെന്നാണോ ?!. വര്ഷങ്ങളായി ഇടകലര്ന്നു ജീവിക്കുന്ന വിവിധ സമുദായങ്ങൾക്ക് കൂട്ടിയും കിഴിച്ചും മിച്ചമുള്ളത് അവരുടെ സൌഹാര്ടവും സഹകരണവും സ്നെഹവുമൊക്കെയാനു .ആകെ സംബാധിച്ചതും ഇതൊക്കെ തന്നെ ..ക്രൈസ്തവരെ ഉദ്ധരിച്ചില്ലെങ്കിലും കുഴപ്പമില്ല നാലാളുടെ മുന്നില നാണം കെടുത്തരുത് എന്നാണ് ഈ 'തമാശക്കാരൻ ' ബ്ലോഗറോട് അപേക്ഷിക്കാനുള്ളത് .ഇദ്ദേഹത്തിന്റെ തന്നെ മറ്റൊരു പരാമര്ശം നോക്കൂ .."കസ്തൂരി രംഗന്‍ റിപ്പോര്‍ട്ട് മലയോരമേഖലയിലെ ക്രിസ്ത്യാനികളെ നാടുകടത്തി ആ ഭൂമി മറ്റു സമുദായക്കാര്‍ക്ക് നല്‍കുന്നതിനു വേണ്ടി ഉണ്ടാക്കിയിട്ടുള്ളതാണ് എന്നു പറയുന്നവരെയും പ്രചരിപ്പിക്കുന്നവരെയും സൂക്ഷിക്കണം എന്നാണ് എന്റെ അഭിപ്രായം." ഇതൊക്കെ എവിടെ നിന്ന് മനസ്സിലാക്കിയതാണ് എന്ന് എനിക്ക് മനസ്സിലാകുന്നില്ല ....നാനാജാതി മതസ്ഥർ ഒരുമിച്ചു കഴിയുന്ന ഒരു നാട്ടിൽ ഇത്തരം മതസ്പര്ദ്ധ ഉണ്ടാക്കുന്ന പരാമർശങ്ങൾ ലജ്ജാവഹം എന്നെ പറയാൻ കഴിയൂ ..ഒരു കാലത്ത് കേരളത്തിലെ നല്ലൊരു വിഭാഗം പ്രദേശവും വനഭൂമിയായിരുന്നു ..അന്നും മനുഷ്യൻ വനനിയമങ്ങളുടെ അനുകൂല്യത്തിൽ കുടിയേറുകയും വനം വെട്ടിതെളിക്കുകയും കൃഷി ഇറക്കുകയുമായിരുന്നു ..അങ്ങനെയാണ് ബെർലിയെപ്പോലുള്ളവരുടെ മുത്തശ്ചൻമാർ ജീവിച്ചതും അതിന്റെ ഫലം ബെർളിയെപ്പോലുള്ളവർ അനുഭവിക്കുന്നതും ..സ്വന്തം കാര്യം വരുമ്പോൾ ഉള്ള പൊള്ളൽ മറ്റുള്ളവരുടെ കാര്യത്തിൽ ഇല്ല എന്നതാണല്ലോ ഒരു പൊതുതത്വം ..അറിയപ്പെടുന്ന ഒരു ബ്ലോഗരുടെ അവസ്ഥ ഇതാണെങ്കിൽ രണ്ടക്ഷരം പഠിച്ചിട്ടില്ലാത്തവരുടെ അവസ്ഥ എന്തായിരിക്കും ...അവരായിരിക്കും പിന്നെയും ഭേതം ..ഏതായാലും കർഷകർ ആരും പുള്ളിയുടെ ബ്ലോഗ്‌ വായിക്കുന്നില്ലല്ലോ ..അവരെക്കുറിച്ച് ആർക്കും എന്തും പറയാമല്ലോ

മാധവ് ഗാഡ്ഗില്‍ റിപ്പോര്‍ട്ടും കസ്തൂരിരംഗന്‍ റിപ്പോര്‍ട്ടുമൊക്കെ സര്‍ക്കാര്‍ ഉണ്ടാക്കിയത് നല്ല ഉദ്ദേങ്ങളോടെ ആണോ എന്നതൊക്കെ പലര്ക്കും സംശയമുള്ള വിഷയമാണ് ..കുടിയേറ്റ കർഷകർ കുടിയിറങ്ങുക എന്നതാണ് ഈ രണ്ടു റിപ്പോര്ടുകളുടെയും ഉദ്ദേശം ...വരികള്ക്കിടയിലൂടെ വായിച്ചാൽ അതാണ്‌ മനസ്സിലുന്നത് ..വികസിത രാജ്യങ്ങളിൽ നിന്ന് കോടികളാണ് NGO പോലുള്ള സംവിധാനങ്ങളിലേക്ക് മറിയുന്നത് ..അങ്ങനെയുള്ളവർക്ക് കുതിരകയറാൻ കുടിയേറ്റ കര്ഷകരും ....ഓസോണ്‍ പാളിക്കു തുള വീഴാന്‍ പോകുന്നു, ഭൂമിയെ രക്ഷിക്കൂ എന്നു പറഞ്ഞു കാല്‍ നൂറ്റാണ്ടു മുമ്പു നടന്ന പ്രചാരണ കോലാഹലം ചിലരെങ്കിലും ഓര്‍ക്കുന്നുണ്ടാവും. ആഗോളതാപം മൂലം ഹിമപര്‍വതങ്ങളിലെ മഞ്ഞുരുകി സമുദ്രജലത്തിന്റെ നിരപ്പുയരുന്നത് ഒഴിവാക്കാൻ കർഷകർ കുടിയിറങ്ങണമെന്നാണ് പറയുന്നത് ..എന്നാൽ UNESCO മുതലാളി വാഷിഗ്ടണിലോ ന്യുയോർക്കിലോ താമസിക്കുന്നവർ അവിടെനിന്നു കുടിയിറങ്ങണം എന്ന് പറയില്ല ...കുടിയേറിയവർ വനം വെട്ടിതെളിച്ചെങ്കിൽ അതിനു പകരം തെങ്ങും പ്ലാവും കപ്പയും മാവും വെച്ച് പിടിപ്പിച്ചിട്ടുണ്ട് ..വന്യമൃഗങ്ങൾക്ക് പകരം ആട് കോഴി പശു തുടങ്ങിയവയെ വളര്തിയതുവഴി പ്രകൃതിയോടു യോചിച്ചുപോകുന്ന ജീവിതരീതികലാണ് അവർ തുടർന്ന് പോന്നത് ..അവരെ ഇറക്കി വിട്ടിട്ടു ആനയെ വളര്തനം എന്നാണു ഇപ്പോൾ പറയുന്നത്.....എന്നാൽ ഇതൊന്നും ചെയ്യാത്ത നഗരങ്ങളിലുള്ളവ്ർ ഒരു നിയത്രണങ്ങളും ഇല്ലാതെ സ്വസ്ഥമായി ജീവിക്കുന്നു ..."പരിസ്ഥിതി സംരക്ഷിക്കേണ്ടത് മനുഷ്യരാശിയുടെ തന്നെ ശ്വാസം നിലനിര്‍ത്തേണ്ടതിന് അനിവാര്യമാണെന്നാണ്" ബ്ലോഗ്ഗർ കര്ഷകരെ ഒര്മിപ്പിക്കുന്നത്..

ഓസോണ്‍ പാളിയുടെ തുളയെപ്പറ്റി ഇപ്പോള്‍ അധികം കേള്‍ക്കാറി ല്ല. ഹിമാലയത്തിലെ മഞ്ഞുരുകുന്ന കാര്യത്തിലും പഴയ പേടിയില്ല. കാര്‍ബണ്‍ വാതകങ്ങളുടെ നിയന്ത്രണം ലക്ഷ്യത്തിലെത്തി എന്നതുകൊണ്ടൊന്നുമല്ല അത്. ഇപ്പോള്‍ പുതിയ വിഷയം കിട്ടിയിരിക്കുന്നു. പരിസ്ഥിതിലോല പ്രദേശങ്ങളുടെ സംരക്ഷണമാണു പുതിയ അജന്‍ഡ.പ്രകൃതി തന്നെയാണു പരിസ്ഥിതിയെന്നും അതു സംരക്ഷിക്കേണ്ടതുമാണ് എന്ന കാര്യത്തില്‍ സാമ്യാബോധമുള്ള ആര്‍ക്കും സംശയമുണ്ടാവില്ല. എന്നാല്‍, പരിസ്ഥിതിവാദം പലര്‍ക്കും ഇന്നൊരു ഫാഷനും ജീവിതമാര്‍ഗവുമാണ്. പുരോഗമന നാട്യത്തിനു ചേര്‍ന്നതായതുകൊണ്ട് അതേറ്റുപിടിക്കാനും പലരുമുണ്ട്. മഴ പെയ്യാത്തതും കൂടുതല്‍ പെയ്യുന്നതുമൊക്കെ പരിസ്ഥിതിയെ ശിപ്പിക്കുന്നതുകൊണ്ടാണെന്നു തരംപോലെ വാദങ്ങളുയര്‍ന്നു. വരള്‍ച്ച വരുന്നതു മരംവെട്ടിയതുകൊണ്ടാണെന്നും മലയോരങ്ങളില്‍ കൃഷിചെയ്യുന്ന കര്‍ഷകര്‍ കൈയേറ്റക്കാരാണെന്നും വ്യാഖ്യാങ്ങളുണ്ടായി. മരിക്കുന്ന പുഴകളെയോര്‍ത്തു പലരും വിലപിച്ചു. ചിലര്‍ കവിതയെഴുതി. മരംവെട്ടിയതുകൊണ്ടാണു മഴ പെയ്യാത്തതെങ്കില്‍ അറബിക്കടലില്‍ എന്തുകൊണ്ടാണു മഴ പെയ്യുന്നതെന്ന പഴയ ചോദ്യത്തിനു മാത്രം ഉത്തരം കിട്ടിയില്ല.

പശ്ചിമഘട്ടത്തിലെ പരിസ്ഥിതിലോല പ്രദേശങ്ങളായി നി ര്‍ണയിച്ചിരിക്കുന്ന സ്ഥലങ്ങളില്‍നിന്നു കര്‍ഷകരെ ഇറക്കിവിടണമെന്നു ഗാഡ്ഗിലോ കസ്തൂരിരംഗനോ പറഞ്ഞിട്ടില്ല. എന്നാല്‍, ഇതിലേതു റിപ്പോര്‍ട്ട് നടപ്പാക്കിയാലും കര്‍ഷകര്‍ തങ്ങളുടെ കൃഷിസ്ഥലങ്ങള്‍ താനെ വിട്ടുപോകേണ്ടിവരും. റിപ്പോര്‍ട്ടില്‍ പരിസ്ഥിതി സംരക്ഷണത്തിനുതകുന്ന നി ര്‍ദോഷങ്ങളായ നിര്‍ദേശങ്ങളാണുള്ളതെന്നു പരിസ്ഥിതിവാദികള്‍ക്കു വാദിക്കാം. ആഴങ്ങളിലേക്ക് ഇറങ്ങിച്ചെല്ലാത്ത കാഴ്ചക്കാര്‍ക്ക് അങ്ങനെ തോന്നുകയും ചെയ്യാം. എന്നാല്‍, വളരെ ബുദ്ധിപൂര്‍വം മെഞ്ഞെടുത്ത ഗൂഢതന്ത്രങ്ങളാണ് ഈ റിപ്പോര്‍ട്ടുകളെന്ന് ഇതുമായി ബന്ധപ്പെടുന്നവര്‍ക്കു മസിലാകും.

പ്രകൃതിയോട് ഏറ്റവും കൂടുതല്‍ ഇണങ്ങി ജീവിക്കുന്നവരാണു മലയോര കര്‍ഷകര്‍. എന്നാല്‍, കൃഷി പരിസ്ഥിതിക്കു ദോഷം ചെയ്യുമെന്നാണു ചിലരുടെ പുതിയ കണ്ടുപിടിത്തം. എന്നാല്‍, ഇതൊന്നും വിഡ്ഢിത്തമാകാന്‍ വഴിയില്ല. ബോധപൂര്‍വമുള്ള പ്രചാരണങ്ങളാണെന്നുതന്നെ കരുതണം. കാരണം അതു വിശ്വസിക്കാനും ആളുകളുണ്ടാകും. ഇത്തരം അസത്യ പ്രചാരണങ്ങളുടെ ആകെത്തുകയാണ് ഗാഡ്ഗില്‍ - കസ്തൂരിരംഗന്‍ റിപ്പോര്‍ട്ടുകള്‍. കാട്ടുമൃഗങ്ങളോടും പ്രതികൂല കാലാവസ്ഥകളോടും പൊരുതി മണ്ണി പൊന്നാക്കിയ മലയോര കര്‍ഷകര്‍ക്ക് അസാമാന്യ ധൈര്യം മാത്രമല്ല അസാധാരണമായ സഹശക്തിയും കൂടിയുണ്ട്. അതുകൊണ്ടാണ് ഇത്തരം അസത്യപ്രചരണങ്ങളുടെ മലവെള്ളപ്പാച്ചില്‍ തങ്ങളുടെ ജീവിതത്തെ തകര്‍ത്തെറിയാന്‍ പാഞ്ഞടുത്തിട്ടും അവര്‍ ക്ഷമയോടെ മാത്രം പ്രതികരിക്കുന്നത്.

Note : ESA - അതീവ പരിസ്ഥിതി പ്രാധാന്യമേഖല(6000 ച .കി.മീ ) വാൽക്കഷണം : പൊതുവേ എന്റെ ഭാഷ വളരെ മോശമാണ് ..എങ്കിലും വളരെ സഹിഷ്ണുതയോടെ എഴുതാൻ ശ്രമിച്ചിട്ടുണ്ട് ..മേൽ സൂചിപ്പിച്ച സർക്കുലർ കുടിയേറ്റ കർഷകന്റെ നീണ്ട കാലയളവിലെ അധ്വാനവും വിയര്പ്പും കണ്ണീരും അവാഹിച്ചെടുത്തു തയ്യാറാക്കിയതാണ് ..അതിൽ കർഷകജനതയോടുള്ള കരുതലുണ്ട് ..സമയമെടുത്ത്‌ പഠിച്ചു തയ്യാറാക്കിയതാണ് അതെന്നു വെറുതെ ഒന്ന് വായിച്ചു പോയാൽ മനസ്സിലാകും.. എത്ര അധ്വാനവും ചവിട്ടിയരക്കാൻ രണ്ടു മിനിട്ടുകൊണ്ട് എഴുതിയുണ്ടാക്കിയ ഒരു പോസ്റ്റ് മതിയാകും .....വിമര്ശിക്കരുത് എന്ന് ആരും പറയുന്നില്ല ..പക്ഷെ അതിനുമുന്നെ കാര്യങ്ങൾ പഠിക്കാനുള്ള ക്ഷമ കാണിക്കുക ....